သူ့မှာတမ်း ~ *ရေးသူ-မင်းသုဝဏ်*

သူတို့အဆုတ်၊ ထားခဲ့မြှုပ်သည့်
ဗုံးငုတ် တိုက်မှား၊ မောင်ပျောက်ကျားကို
ရွာသား ရွာသူ၊ မေးကြ မြူသည်
အူအူ ယမ်းငွေ့၊ ထတုန်းတည်း ။

“အမောင် ပြောက်ကျား၊ ချစ်သူအားကို
ဘာများ မှာခဲ့ လိုသနည်း။”

“ငယ်က ကြင်မြတ်၊ မိသက်မှတ်ကို
ခွင့်လွတ်ခဲ့ကြောင်း ပြောပါလေ။”

“အမောင် ပြောက်ကျား၊ မိဘအားကို
ဘာများ မှာခဲ့ လိုသနည်း”

“မွေးသည့် မိခင်၊ မွေးဖခင်ကို
ဦးတင် ခဲ့ကြောင်း ပြောပါလေ ”

“အမောင် ပြောက်ကျား၊ တိုင်းပြည်အားကို
ဘာများ မှာခဲ့ လိုသနည်း။”

”ခရီးမတ်တတ်၊ လမ်းခုလတ်တွင်
ကိုယ်လွတ် ရှောင်ခွာ၊ ခွဲရပါ၍
အားနာခဲ့ကြောင်း ပြောပါလေ။”

ယမ်းငွေ့ အူအူ၊ တလူလူနှင့်
မေးမြူကြတုန်း ၊ အနောက်ကုန်းတွင်
နေလုံး ကွယ်လေပြီ တကား။ ။

-မင်းသုဝဏ်

တို့တိုင်းပြည်

ထလော့မြန်မာ၊ အိုမြန်မာတို့၊
တို့ရွာတို့မြေ၊ တို့ရွာမြေဝယ်၊
စေတီစပါး၊ များလည်းများ၏၊
များပါလေလဲ၊ တမွဲမွဲနှင့်၊
ဆင်းရဲကာသာ၊ ကာလကြာလျှင်၊
ယာစကာမျိုး၊ တညှိုးညှိုးနှင့်၊
ပုထိုးမြင့်မောင်း၊ ကျောင်းကြိုကျောင်းကြား၊
လှည့်လည်သွားလျက်၊
မစားလေရ၊ ဝမ်းမဝ၍၊
ဆွမ်းမျှမတင်နိုင် ရှိမည်တည်း။

ထလော့မြန်မာ၊ အိုမြန်မာတို့၊
တို့ရွာတို့မြေ၊ တို့ရွာမြေဝယ်၊
ရေချိုသောက်ရန်၊ မြစ်ချောင်းကန်နှင့်၊
သီးနှံချိုပျား၊ များလည်းများ၏၊
များပါလေလဲ၊ တမွဲမွဲနှင့်၊
ဆင်းရဲကာသာ၊ ကာလကြာလျှင်၊
မြင်သာမြင်ရ၊ မစားရ၍၊
တောကပြိတ္တာဖြစ်မည်တည်း။

ထလော့မြန်မာ၊ မြန်မာထလော့၊
အားမပျော့နှင့်၊ မလျှော့လုံ့လ၊
သူကစ၍၊ ငါကအားလုံး၊
လက်ရုံးမြားမြောင်၊ ဉာဏ်မြားမြောင်နှင့်၊
စွမ်းဆောင်ကြလေ၊ ဆောင်ကြလေလော့၊
ဤမြေဤရွာ၊ ဘယ်သူ့ရွာလဲ၊
ဤယာစပါး၊ ဘယ်သူ့စပါးလဲ၊
ထားလော့တာဝန်၊ ပွန်လော့လုပ်ငန်း၊
ဉာဏ်ရှေ့ပန်း၍၊
တစ်ဝမ်းတစ်စိတ် ညီစေသတည်း။ ။

ဇော်ဂျီ

ထိပ်ဆုံးသို့

တစ်တောင်ပေါ် တစ်တောင်ဆင့်၊
တောင်အမြင့် ပတ်ခြံရံ။

တစ်တောင်ဆုံး ပြန်တော့၊
တစ်လုံးပြန်ကျန် ပြန်ပေသမို့၊
အဖန်ဖန်လေ အားအင်နှိုးလို့ရယ်၊
ကြိုးလျှောက်ရပြန်။

တခါတလေ တကယ်ပန်းတာကြောင့်၊
တော်ပါပြီ ဆက်မလှမ်းချင်ဘု၊
ရပ်တန်းက ရပ်မယ်ကြံ၊
အမှန်တော့ ဖြစ်နိုင်မလား။

စခဲ့မိဟာပေါ့၊
တစ်နေ့မှာ ဆုံးရာရောက်ပါလိမ့်၊
အားလျှော့ကာ ဆုတ်ချင်စမ်းပါနဲ့၊
စိတ်နွမ်းအသာဖြေဦး၊
မာလာငွေ ကန်ရေအေးရယ်နှင့်၊
ငှက်တေးကို အာရုံဆင်လို့၊
မူတသွင် အားအင်သစ်လိုက်ပါ့၊
ချစ်ဖွယ့်လူသား . . .။ ။

အလှရှိရာ(ငွေတာရီ)

အလှရှိရာ၊ သွားချင်ပါဟု
ခါခါမြည်တမ်း၊ သို့ရော်ရမ်း၍
စိတ်ဝမ်းမသာ၊ ရှိသည်တကား။
သူ့ရွှာသူ့ပြည်၊ သာလှသည်တည့်
စည်ပင်ချမ်းမြ၊ ဝပြောစွဟု
ကြားရတိုင်းသာ၊ လှမြေချာသို့
သွားပါလိုမိ၊ နေမထိခဲ့။
ဤယနေ့သော်
ချမ်းမြေ့ကြည်လင်၊ စိတ်ဝယ်ရွှင်တည့်
မြေပြင်ကျယ်ဝန်း၊ လယ်ယာခင်းနှင့်
အင်းအိုင်မြစ်ချောင်း၊ ရှုမညောင်းတည့်
တောင်စောင်းတောင်ထိပ်၊ စေတီရိပ်ဝယ်
ဆွေမိတ်တူဆုံ၊ ဖူးရတုံသော်
အာရုံသန့်စင်၊ ကြည်ဘဝင်နှင့်
မိခင်မြေမြ၊ သာလေစွဟု
နှုတ်ကဖန်ဖန်၊ ဆိုမိသံသည်
မိုးယံပဲ့တင်၊ ထပ်လိမ့်တည်း။
သူ့ရွာသူ့ပြည်၊ သာမောသည်ဟု
နှုတ်ရည်စကား၊ ဘယ်သို့ကြားလည်း
ငါကားမတုန်လှုပ်ပြီတကား။


ငွေတာရီ

ဖြစ်ရပ်တစ်ခု

သားကလေးတွေကို ရင်ခွင်ပိုက်လို့ 
နို့ ချိုတိုက်ကျွေးနေတဲ့  မိခင်တွေမြင်တော့
ကျွန်တော်ရဲ့  မွေးမိခင်ကိုလည်းသတိရမိပြန်တယ်
မေမေက သူမရဲ့ မြေဆီလွှာ မကောင်းတဲ့ နှလုံးသားမြေမှာ
ဂရုဏာဆိုတဲ့  မြေသြဇာနိုင်နိုင်ထည့်လို့ 
ကျွန်တော့်ဘ၀ကို မျိုးစေ့ချခဲ့ တယ်။
အပင်လေးရှင်သန်အောင် ရေမလောင်နိုင်တဲ့  မေမေက
တစ်ပါးသူရဲ့ မြေရွှေ့ စိုက်လို့ ပေါ့
မှတ်မီသေးတယ် အဲဒီအချိန်က
မေမေရဲ့  ရင်ပြင်ကလျှံတက်လာတဲ့ 
သောက အပူငွေ့ တွေက
ဝမ်းနည်းမှုတိမ်တိုက်တွေအဖြစ်
မေမေရဲ့  မျက်ဝန်းမှာစုဖွဲ့ လို့ ပေါ့
မေမေက အဲ့ ဒီမျက်ရည်မိုးတွေကို
ကျွန်တော်ရှေ့ မှာ ရွာမချဘဲ
တခြားဘက်မှာ အရည်ပျော်ကျနေတယ်ဆိုတာ
ကျွန်တော်သိပါတယ် မေမေ
မေမေက မှောင်နေတဲ့  ကျွန်တော်ဘ၀လေးကို
အလင်းရောင်တွေနဲ့ ရှင်သန်စေချင်သူ
ဒါပေမယ့်...အလင်းရောင်တွေပေတဲ့ 
ဖယောင်းတိုင်းလေးမေမေက
ဒုက္ခအပူတွေနဲ့ ရင်ဆိုင်ရလို့ အရည်ပျော်နေပြီ
မေမေက ကျွန်တော်ဘ၀လေးကို
အမြင့်မှာ ရောက်စေချင်သူ
ဒါပေမယ့်....ကျွန်တော်အမြင့်ကိုတက်နေတဲ့ 
လှေကားက
မေမေ့ဘ၀လေး ဖြစ်နေပြီ
တကယ်တော့ မေမေနဲ့ ကျွန်တော့်ဘ၀က
ရစ်ဘီးနဲ့ စါန်လို့ ပေါ့
အမြင့်ကိုတက်လေလေ ဝေလေလေ
ဝေးလေလေ မေမေရဲ့ သံယောဇဉ်ကြိုးလေးက
ရှည်လေလေပါပဲ
မေမေရယ်
မေမေချွေတာထားတဲ့  ငွေအသပြာတွေကို
စေတနာတွေနဲ့ ပို့ တဲ့ အချိန်မှာ
မေမေ့ချွေးနံ့ လေးနဲ့ 
မေမေ့ရင်ထဲက စကားတွေကို
အကြင်နာတွေနဲ့ 
စာသ၀ဏ်လွှာတွေ ပို့ နေချိန်မှာ
ကျွန်တော်က မေမေ့အတွက်
ကဗျာတွေသာ ရေးနိုင်ခဲ့ တယ်။
ဒါပေမယ့်...
ကျွန်တော်ရေးတဲ့ ကဗျာတွေ
မေမေ့ကို မပြရဲတော့ဘူး
အသည်းမာတယ်ဆိုတဲ့ မေမေက
ဒီကဗျာလေးတွေဖက်ရင်ငို့ နေကျမို့ 
သြော်...........
မငိုပါနဲ့  မေမေရယ်
ပန်းကလေးတစ်ပွင့်ရေလောင်းခွင့်မရပေမယ့်
ဒီမွှေးပျံ့ တဲ့ ပန်းကလေးက
မေမေမျိုးစေ့ချခဲ့ တယ်ဆိုတာ
ဂုဏ်ယူလိုက်စမ်းပါ မေမေရယ်။